شرح تهيئة المواقع لمحركات البحث ضغط وتسريع الووردبريس والاضافات وتأثيرها علي الاعلانات والربح منه
تسريع الووردبريس ارباح

ضغط وتسريع الووردبريس والاضافات وتأثيرها علي الاعلانات والربح منه

نشر في الـــــ


ساعات بتلاحظ السرعه بقيت كويسة بعد تركيب بعض الاضافات و الربح بدأ ينخفض او النقرات بدأت تقل بشكل تدريجي

لو الموضوع استمر اكتر من 3 ايام لـ أسبوع بعد تركيب الاضافة يبقى هي السبب بنسبة 90%.

ف الاول كدا

هي ايه اضافات الكاش؟ ( شرح مبسط مش تكنيكال )

دي اضافة للوردبريس ، بتساعد علي عمل Cache ( نسخة مخزنة ) للصفحة وتعرضها لليوزر بدال ما تفضل تعمل نفس الاوامر لكل صفحة لجلب المعلومات و الصور و الداتا.

بيبقى مدموج مع بعض الاضافات دي اعدادات عشان تعمل ضغط لملفات او اكواد JS و CSS و HTML. عشان تساعد علي تسريع وقت تحميل الصفحة ( Load Time ) اللى هو عامل مهم من عوامل On-page SEO.

 

 ليه الاضافات دي بتسبب تأثير سلبي علي الربح من أدسنس؟

 

لإن كود ادسنس اللى بتحط ف الموقع بتاعك فيه اكواد ملفات Js ، اللى هي النوع اللى بعض الاضافات دي بتحاول تضغطة او تعملو حاجة اسمها Defer ودا معناه انها بتعمل تأخير لتحميل الملف لحين تحميل الصفحة الاول بالكامل.

بيحصل ايه بالظبط ف المشكلة ؟

اليوزر بيدخل يفتح الموقع بيحمل ف ثانية ويقعد يقرا و مكان اعلان ادسنس بيكون لسه محمملش و اليوزر اصلا تخطي الجزء من الصفحة اللى فيه الاعلان بالتالى مبيحصلش نقرات لـ 90% من الاعلانات الموجودة ف اول الصفحة لإنها هتظهر مكانها فاضي و الزائر هيمر عليها مرور الكرام.

تسريع الووردبريس ارباح
تسريع الووردبريس ارباح

طيب ايه الاضافة اللى مبتعملش كدا .؟! و إزاي تحل المشكلة دي؟

 

كل اضافة حسب امكانياتها ، وحسب إداراتك للإمكانيات دي

كلاود فلير مثلا ، لو لاغي اعداد الـ rocket loader هتشتغل معاك عادي ومش هتأثر بأذن الله .
اضافة Wp super cache: لما فعلتها بتأثر بشكل مباشر وسلبي جدا ع الاعلانات.
اضافة w3 total cache : لما فعلتها و دخلت عملت استثناء لملفات Js بتاعت ادسنس اللى هي Adsbygoogle.js و ملفات تانية هكتبها تحت. كانت شغاله معايا تمام بدون تأثر ع الاعلانات ، او لو عايز تريح دماغك ومش خبير فيها وقف فيها ضغط JS وشغل الباقي كلو عادي .
اضافة Wp rocket : بشغلها ممتازة ف السرعه بس مدفوعه ، و عامل فيها استثناء للملفات برضو اللى تحت.

لو قدامك اوبشن ف اي اضافة انك تعمل لملفات معينة Exclude js file

اعمل للملفات دي
adsbygoogle.js
osd.js
osd_listener.js
show_ads_impl.js
m_js_controller.js
abg.js
m_window_focus_non_hydra.js
layout_engine.js
Responsive_MinimalCarousel_FullAuto.js

ونتابع تصدير كل ماهو جديد ف الوطن العربي. بأذن الله.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *