ايه الفرق بين Dwell time و Bounce rate و تأثيره علي نتائج الموقع و الاستفادة منه

Bounace Rate & Dwell Time

الفرق بين البونص رات و الديويل رات

 

 

ايه الفرق بين Dwell time و Bounce rate ؟

– يعني ايه Dwell time؟
يعني الوقت اللى استغرقه الزائر من خلال دخولة موقعك من نتايج البحث ، لحد ما عمل Back ورجع لنتايج البحث تاني.
الـ dwell time جوجل عملته عشان يقيم جودة محتواك و مدي اعجاب الزائر بيه .

– إزاي بيأثر علي نتايج موقعك؟
لو الزائر بحث عن حاجة ف جوجل.
ودخل نتيجة من النتايج و قعد وقت قليل جدا و بعدين عمل رجوع للنتايج تاني.
ف دا يبقى دليل ان محتوي الصفحة دي سئ او جودتها ضعيفه.

– يعني إيه Bounce Rate؟
يعني معدل الارتداد و بيتحسب لو الزائر دخل صفحة و مقعدش فيها كتير و بعدين ارتد عنها ورجع لصفحة تانية او رجع لنتايج البحث او قفل الموقع. بغض النظر عن الوقت اللى قعده اد ايه.
ودا بيساعد جوجل ف انها تقيم الصفحات الاهم ف موقعك اللى بيكون ليها معدل ارتداد اقل و الزائر بيكمل تصفح فيها اكتر.
و الصفحات اللى الزائر بيدخلها ويخرج بعدها ع طول بتكون مؤشر سلبي.

* طبعا عايز اقولك ان لكل قاعده استثناءات: في موقع بيكون صفحة واحدة هتقولي دا نظامة ايه ، هقولك جوجل مش اثيوبي و هيعرف يفرّق طبقا ً لحجم صفحات المواقع العروضة لليوزر و هكذا. ف مواقع بتكون خدمات زي شات مثلا ، الزائر بيدخل ينام ف الصفحة ولا بيدخل بعدها ولا قبلها. ( الحاجات دي ليها طرق تحسين زي وضع روابط تانية ف الموقع ذات الصفحة الواحدة ) زي مثلا منتدي قسم صور ، قسم مدونة و هكذا.

نستفاد ازاي من الموضوع دا؟
عشان تحقق اقصي استفادة اعرف الاول ايه هي الاحتمالات اللى بتخلي الزائر يعملي Back ,يرجع لنتايج البحث تاني.

1- ان يدخل الصفحة ليها عنوان كاذب و محتواها مفيهوش قيمة الاعلان اللى بيقدمه.
2- ان يدخل بيدور علي تصاميم ويلاقي صفحتك فيها صور مش ظاهره او محذوفة.
3- ان يدخل موقعك من اجل هدف معين و الهدف دا ميتحققش مثلا ً ( داخل يحمل برنامج ، رابط التحميل مش شغال او مش موجود يبقي هيرجع اكيد للبحث تاني).
4- مهمة جدا: ان يلاقي الصفحة بطيئة تقيله ف التحميل،نسبة كبيرة من الناس هيقعد يستني من 3 لـ 5 ثواني وبعدين هيعمل رجوع لنتايج البحث ويشوف موقع تاني.
5- لما يلاقي اعلانات كتيرة اوي ف الموقع هيشمأز منو لإنو ف الغالب مش هيعرف يوصل لرابط التحميل الاساسي.

التحسين بقى هيتم ازاي ؟
اولا ً :
دورك بقى انك تراجع مواضيعك الأهم ا1-للى ماسكة ترتيب ف جوجل
و تراجع عليها الخمس نقط اللى فاتت ،

ثانيا ً:
دورك انك تدخل مواضيعك المهمة كأنك زائر بيدور علي الحاجة اللى موضوعك بيقدمها، وشوف محتاج ايه و ناقص ، او في ايه ملوش لزمة ، او في ايه مضايق.

هقولك ع طريقة حلوة اوي بستخدمها ديما ف مواقعي…
بجيب حد من اصدقائي او اي شخص مش شغال ف المجال بعيدا ً عن المواقع و النت.
واقولو لو حابب تدور ع ( كذا ) اللى هو محتوي المقاله ،
ولاقيت الصفحة دي ، محتاج ايه يكون جواها يقولي ( كذا وكذا وكذا )
ادخله علي الصفحة واقولو المقاله قدامك شايف ايه تمام و عجبك و ايه وحش ، و ايه ناقص.

لو فهمت المستخدم مبروك عليك جوجل بحث و ادسنس و دولاراتك 💵
الكلام دا مش موجود ف موقع عربي بفضل الله
و الناس اللى قريت عن الدويل تايم و البونس ريت من مواقع انجليش ( مش هتلاقي الكلام دا برضو زي ما قولتلهم  ).

بس هدفنا اننا نوصل الكلام دا و نرتقي بالويب ماسترز في الوطن العربي.
وربنا يقدرنا علي تحقيقه <3

تابع الهاشتاج عشان تشوف اهم المواضيع اللى شرحناها..
#تبادل_خبرات

المصدر : أ/أحمد

افضل طريقة للعمل علي اليوتيوب و الربح  + كل حاجة انت محتاجهة بلينك تحميل مباشر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *