الوحدات الاعلانيه الاكثر ربحا في ادسينس و بعض النصائح السريعه لأدسنس

الوحدات الاعلانية من ادسنس
الوحدات الاعلانية من ادسنس

الوحدات الاعلانيةالاكثر ربحا من ادسنس

بتستخدم وحدات اعلانية مقاسها ايه في ادسنس؟
كل يوم مش مظبط فيه اعلاناتك انت بتخسر فيه ربح 

رقم 1 ف الربح 
الـ Reponsive – link ads – وحدة الروابط المتجاوبة
( لو مبتستخدمهاش استخدمها فورا ً وهتدعيلي بأذن الله 
رقم 2
الـ Responsive ad unit – وحدة متجاوبة عادية
رقم 3
اعلان 300 × 600 ف للقائمة الجانبية

عشان تبدأ تظبط الاعلانات اقرأ المقال دة بتركيز

طريقه الربح من ادسنس بالتفصيل وزيادة الاعلانات في موقعك وزيادة الزوار

رقم
 4
الـ Matched content – وحدة المحتوي المشابه
ولو مش متاحة بستخدم البديل ليها الوحدة الجديدة ف ادسنس
الـ in article ads

الوحدات اللى فوق دي الوحدات اللى انا بستخدمها ف شغلي.
بس خد بالك

* لكل مقال مقام ( يعني مش شرط اللى نفع معاك ينفع مع غيرك )
في عوامل كتيرة بتتغير زي شكل القالب و اماكن وضع الاعلانات.
لكن المقاسات الاكثر ربحا ً طبعا في عوامل ثابته.

جرب تعمل تغييرات في موقعك ع المقاسات و الاماكن بشكل منسق.
متحكمش ع التغيير غير بعد تجربة تتخطي 3 ايام الا لو معدل التغيير ف الربح زاد عن 50% فرق. يعني كنت بتعمل ف اليوم 10$ بعد ما عملت التغيير ب 24 ساعه بقيت تعمل 4 او 5$. كدا يبقى الوضع سلبي ممكن تبدأ ع طول تغير تاني ، او تستني يوم كمان عشان تاخد قرار مناسب.

* أهم حاجة قبل ما تبدأ احفظ اماكن اعلاناتك ووضعك الحالى كويس ف ملف تيكست حتي بالاماكن اللى انت عليها حالياً عشان ف حالة الخطأ ترجع للوضع الطبيعي متبقاش نسيته.

تعالو نخطف نفسنا و ناخد احلي مجموعه نصايح سريعه لأدسنس:

وخد بالك اوي من النقطة رقم ٤.

1- الموقع بتاعك يكون معمول بمحتوى حصري ، محتوي كبير بيقدم فايدة ، شامل ملفات ميديا مختلفة صور ، تضمين فيديو م اليوتيوب مثلا و هكذا. و يفضل اضافة صفحات اتصل بنا و الخصوصية و سياسات الاستخدام و صفحات السوشيال بتاعتك و كدا.

2- شوية ترافيك من محرك البحث معناهم ان موقعك فعليا ناجح ف دا هيأثر بأذن الله بشكل ايجابي ف زيادة نسبة القبول ( في مواقع بتتقبل بدون ترافيك بس احنا بنقول الافضل يبقى في ترافيك ).

3- وانت بتسجل ميفرقش اسمك و عنوانك و الكلام دا كاتبه عربي ولا انجليزي ولا اسباني. ( المهم تكتبه صح ) اسم ثلاثي عنوان صحيح عشان بتاع البوسطة يوصلك ، و رقم البريدي اللى المنطقة بتاعتك تبعه. ( انا جربت مرة انجليزي ومرة عربي و الحمدلله الاتنين اتقبلو ).

4- نقطة مهمة جدا جدا ً: لو حسابك قدمته لجوجل و خد وقت مراجعه اكتر من اسبوعين او 3 اسابيع بدون رد ، تقدر تدخل الحساب نفسة اعملو تعطيل و احذفه. و اعمل حساب جيميل جديد و قدم بيه ولو ناقصك حاجة ف الموقع اعملها.
( مش شرط تعمل كدا في ناس بتتقبل بعد 30 يوم و شهر ونص ، بس انا لما عملت كدا جة الرد تاني يوم )

وربنا يوفقكم ويوفقنا جميعا 

المصدر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *